இந்தியன் ஆயில் கார்ப்பரேஷன் லிமிடெட் (IOCL) நிறுவனம், மத்திய அரசின் பெட்ரோலிய துறை அமைச்சகத்தின் கீழ் செயல்படும் முன்னணி பொதுத்துறை நிறுவனம், தற்போது 246 ஜூனியர் ஆபரேட்டர் பணியிடங்களை நிரப்ப அறிவிப்பு வெளியிட்டுள்ளது. இந்தப் பணியிடங்களுக்கு ஐடிஐ, பிளஸ் டூ, மற்றும் பட்டப்படிப்பு முடித்தவர்கள் விண்ணப்பிக்கலாம்.
பணியிடங்கள் மற்றும் கல்வித் தகுதி:
- ஜூனியர் ஆபரேட்டர் Grade I: ஐடிஐ முடித்தவர்கள் விண்ணப்பிக்கலாம். குறைந்தபட்சம் ஒரு ஆண்டு பணி அனுபவம் அவசியம்.
- ஜூனியர் அட்டண்டண்ட் Grade I: 12ஆம் வகுப்பு தேர்ச்சி பெற்றிருக்க வேண்டும். குறைந்தபட்சம் 40% மதிப்பெண்களுடன் தேர்ச்சி அவசியம். பணி அனுபவம் தேவையில்லை.
- ஜூனியர் பிசினஸ் அசிஸ்டண்ட் Grade III: அங்கீகரிக்கப்பட்ட கல்வி நிலையத்தில் ஏதேனும் ஒரு பாடப்பிரிவில் பட்டப்படிப்பு முடித்து, குறைந்தபட்சம் 45% மதிப்பெண்களுடன் தேர்ச்சி பெற்றிருக்க வேண்டும். MS Word, Excel, PowerPoint ஆகியவற்றில் அடிப்படை அறிவு மற்றும் ஒரு நிமிடத்திற்கு 20 வார்த்தைகள் தட்டச்சு செய்யும் திறன் அவசியம். மேலும், ஒரு ஆண்டு பணி அனுபவம் தேவையாகும்.
வயது வரம்பு:
18 முதல் 26 வயதிற்குள் இருக்க வேண்டும். அரசு விதிகளின்படி, எஸ்.சி/எஸ்.டி பிரிவினருக்கு 5 ஆண்டுகள், ஓபிசி பிரிவினருக்கு 3 ஆண்டுகள் வயது தளர்வு வழங்கப்படும்.
சம்பள விவரம்:
- ஜூனியர் ஆபரேட்டர் Grade I: ரூ. 23,000 – 78,000
- ஜூனியர் அட்டண்டண்ட் Grade I: ரூ. 23,000 – 78,000
- ஜூனியர் பிசினஸ் அசிஸ்டண்ட் Grade III: ரூ. 25,000 – 1,05,000
தேர்வு முறை:
கணினி வழி தேர்வு, திறன் தேர்வு அல்லது உடல் தகுதி தேர்வு ஆகியவற்றின் அடிப்படையில் விண்ணப்பதாரர்கள் தேர்வு செய்யப்படுவார்கள். தமிழ்நாட்டில் தேர்வு மையம் சென்னையில் அமைக்கப்படும்.
விண்ணப்பிக்கும் முறை:
விண்ணப்பதாரர்கள் ஆன்லைனில் விண்ணப்பிக்க வேண்டும். விண்ணப்ப கட்டணம் ரூ. 300. எஸ்.சி/எஸ்.டி பிரிவினருக்கு கட்டணம் இல்லை.
முக்கிய தேதிகள்:
- விண்ணப்ப தொடக்க தேதி: 03.02.2025 காலை 10 மணி
- விண்ணப்ப கடைசி தேதி: 23.02.2025 இரவு 11.55 மணி
மேலும் விவரங்களுக்கு, அதிகாரப்பூர்வ அறிவிப்பை படித்து, அதன் அடிப்படையில் விண்ணப்பிக்குமாறு அறிவுறுத்தப்படுகிறார்கள்: https://iocl.com/admin/img/UploadedFiles/LatestJobOpening/Files/613feac7e44444bb91a7d6b610014b1
