தமிழகத்தின் முக்கிய புண்ணிய ஸ்தலங்களில் ஒன்றான ராமேஸ்வரம் ராமநாதசுவாமி திருக்கோயிலில் தற்போது பல்வேறு பணியிடங்கள் நிரப்பப்பட உள்ளன. இந்துசமய அறநிலையத்துறை கட்டுப்பாட்டில் இயங்கும் இந்த கோயிலில் 76 பணியிடங்கள் காலியாக உள்ளன. இதற்கான நேரடி நியமனம் தொடர்பான அறிவிப்பை அறநிலையத்துறை வெளியிட்டுள்ளது.
இந்த வேலை வாய்ப்பிற்கு 8ம் வகுப்பு முதல் டிகிரி முடித்தவர்களுக்கு வரை வாய்ப்பு அளிக்கப்பட்டுள்ளது. பாதுகாவலர், துப்புரவு பணியாளர், கால்நடை பராமரிப்பு பணியாளர், தமிழ்புலவர், பிளம்பர் போன்ற பல்வேறு பணிகள் உள்ளன. சம்பளம் ரூ.10,000 முதல் ரூ.59,600 வரை வழங்கப்படும்.
விண்ணப்பிக்க வேண்டிய முக்கிய விவரங்கள்
இந்த பணிக்கு தமிழ்நாட்டைச் சேர்ந்த, இந்து மதத்தை சார்ந்த, இறை நம்பிக்கை உடையவர்கள் மட்டும் விண்ணப்பிக்கலாம். இது நிரந்தர அரசு வேலை என்பதால் வேலை கிடைக்கும் நபர்களுக்கு நேரடி நியமனம் வழங்கப்படும். குறிப்பிட்ட சில பணியிடங்களுக்கு எழுத்துத் தேர்வு மற்றும் நேர்முகத் தேர்வு நடத்தப்படும்.
பணி இடங்கள் மற்றும் தகுதி:
🔹 தமிழ்புலவர் – தமிழ் மொழியில் பிலிட்/பிஏ/ஏம்ஏ முடித்தவர்கள். திருமுறைகள் ஒப்புவித்தலில் திறன் பெற்றிருக்க வேண்டும்.
🔹 பிளம்பர் – ஐடிஐ பிளம்பர் சான்றிதழ் பெற்றிருக்க வேண்டும். ஐந்தாண்டு பணி அனுபவம் அல்லது இரண்டு ஆண்டுகள் அப்ரெண்டீஸ் அனுபவம் பெற்றிருக்க வேண்டும்.
🔹 காவலர் – தமிழில் எழுத படிக்க தெரிந்திருக்க வேண்டும்.
🔹 துப்புரவு பணியாளர் – எவ்வித கல்வி தகுதியும் தேவையில்லை.
🔹 கோசாலை பணியாளர் – தமிழில் எழுத படிக்க தெரிந்திருக்க வேண்டும்.
🔹 கருணை இல்லம் காப்பாளர் (பெண்) – பெண்களுக்கு மட்டும். தமிழில் எழுத படிக்க தெரிந்திருக்க வேண்டும்.
வயது வரம்பு:
விண்ணப்பதாரர்கள் 01.07.2025 அன்று 18 வயது பூர்த்தி அடைந்தவராகவும், 45 வயதிற்குள் இருக்க வேண்டும்.
விண்ணப்பிக்கும் முறை
🔹 www.hrce.tn.gov.in மற்றும் https://rameswaramramanathar.hrce.tn.gov.in/ ஆகிய இணையதளங்களில் விண்ணப்பப் படிவம் கிடைக்கும்.
🔹 விண்ணப்பிக்க விரும்புவோர் இந்த இணையதளங்களில் இருந்து விண்ணப்பத்தை பதிவிறக்கம் செய்து, முழுமையாக நிரப்பி, தேவையான ஆவணங்களுடன் அனுப்ப வேண்டும்.
🔹 விண்ணப்பிப்பதற்கான கடைசி தேதி 12.03.2025 மாலை 5:45 மணி.
🔹 உரிய ஆவணங்கள் இணைக்கப்படாத விண்ணப்பங்கள் நிராகரிக்கப்படும்.
விண்ணப்பிக்க வேண்டிய முகவரி:
📍 இணை ஆணையர்/செயல் அலுவலர்,
அருள்மிகு இராமநாதசுவாமி திருக்கோயில்,
இராமேசுவரம் – 623 526,
இராமநாதபுரம் மாவட்டம்.
முக்கிய குறிப்புகள்:
🔸 நேரடி நியமனம் இந்துசமய அறநிலையத்துறை விதிகளின் அடிப்படையில் நடைபெறும்.
🔸 கோயிலில் உள்ள உபகோயில்கள் மற்றும் உபநிறுவனங்களில் பணியிட மாற்றம் செய்யலாம்.
🔸 பணி தொடரும் காலம் மற்றும் சம்பளம் தொடர்பான விவரங்கள் அறநிலையத்துறையின் விதிகளின்படி இருக்கும்.
🔸 ஒரு பிரிவில் மட்டும் விண்ணப்பிக்கலாம், ஒரே நபர் பல்வேறு பணியிடங்களுக்கு விண்ணப்பித்தால் அது நிராகரிக்கப்படும்.
தகுதியானவர்கள் இந்த அரிய வேலை வாய்ப்பை தவற விடாமல் உடனே விண்ணப்பிக்கவும்!
