தென்காசி மாவட்டத்தில் உள்ள கலெக்டர் அலுவலகத்தில் காலியாக உள்ள அலுவலக உதவியாளர் மற்றும் டேட்டா என்ட்ரி ஆபரேட்டர் பணியிடங்களை நிரப்புவதற்கான அதிகாரப்பூர்வ அறிவிப்பு வெளியிடப்பட்டுள்ளது. பத்தாம் வகுப்பு அல்லது பட்டம் பெற்றவர்கள் விண்ணப்பிக்கலாம். இந்த வேலைகளுக்கு தேர்வு எதுவும் இல்லை, நேரடி நியமனமாகவே நிரப்பப்பட உள்ளது.
தென்காசி கலெக்டர் அலுவலகத்தில் காலியாக உள்ள பணியிடங்களுக்கான அறிவிப்பு வெளியானதால், பலர் இந்த அரிய வாய்ப்பைப் பயன்படுத்திக் கொள்ளலாம். மொத்தம் மூன்று பணியிடங்கள் நிரப்பப்படுகின்றன, இதில் ஒரு இடம் டேட்டா என்ட்ரி ஆபரேட்டருக்கும், இரண்டு இடங்கள் அலுவலக உதவியாளருக்குமாக உள்ளது. அலுவலக உதவியாளர் பணிக்கு விண்ணப்பிக்க விரும்புபவர்கள் பத்தாம் வகுப்பு தேர்ச்சி பெற்றிருக்க வேண்டும். மேலும், இருசக்கர வாகனம் ஓட்டத் தெரிந்திருக்க வேண்டும். டேட்டா என்ட்ரி ஆபரேட்டராக பணியாற்ற விரும்புபவர்கள் ஏதேனும் ஒரு பாடப்பிரிவில் பட்டம் பெற்றிருக்க வேண்டும். அத்துடன், தமிழ் மற்றும் ஆங்கிலத்தில் டைப்பிங் தேர்ச்சி பெற்றிருக்க வேண்டும்.
பணியிடங்களுக்கான சம்பள விவரங்கள் தொடர்பாகவும் அறிவிப்பு வெளியிடப்பட்டுள்ளது. டேட்டா என்ட்ரி ஆபரேட்டர் பணிக்கு மாதம் ரூ.15,000 தொகுப்பூதியமாக வழங்கப்படும். அலுவலக உதவியாளர் பணிக்கு மாதம் ரூ.8,000 வழங்கப்படும். இந்த பணியிடங்கள் முற்றிலும் தற்காலிகமானவையாக இருப்பதால், 11 மாத கால பணிக்காகவே நியமனம் செய்யப்படுகின்றன. பணியாற்றும் பணியாளர்களின் செயல்திறன் மற்றும் வேலை திருப்தியை கருத்தில் கொண்டு, கால அவகாசம் முடிந்த பின்பு மீண்டும் வேலை நீட்டிக்கப்படலாம்.
விண்ணப்பிக்கும் முறை குறித்து பேசினால், விருப்பமுள்ளவர்கள் https://tenkasi.nic.in என்ற அதிகாரப்பூர்வ இணையதளத்திலிருந்து விண்ணப்பத்தை பதிவிறக்கம் செய்து, தேவையான அனைத்து விவரங்களையும் நிரப்பி, உறுதியான ஆவணங்களுடன் இணைத்து அஞ்சல் மூலம் மட்டுமே அனுப்ப வேண்டும். விண்ணப்பங்கள் மாவட்ட ஆட்சியரின் (சத்துணவு பிரிவு) அலுவலகத்திற்கு வந்து சேர வேண்டிய கடைசி தேதி 15.02.2025, மாலை 5 மணி.
விண்ணப்பம் அனுப்ப வேண்டிய முகவரி:
மாவட்ட ஆட்சித் தலைவர் (சத்துணவு பிரிவு),
அலுவலகம்,
தென்காசி ஊராட்சி ஒன்றிய அலுவலக வளாகம்,
தென்காசி – 627 811.
இந்த அரிய வாய்ப்பை தவற விடாமல், தகுதியான அனைவரும் விரைவில் விண்ணப்பித்து பயன்பெறுங்கள்! மேலும் முழுமையான தகவல்களை தெரிந்து கொள்ள https://tenkasi.nic.in/notice_category/recruitment/ என்ற அதிகாரப்பூர்வ இணையதளத்தைக் பார்க்கவும்.
