யுகோ வங்கியில் அசத்தலான வேலை வாய்ப்பு!
பொதுத்துறை வங்கிகளில் ஒன்றான யுகோ வங்கியில் 250 லோக்கல் ஆபிசர் பணியிடங்கள் நிரப்புவதற்கான புதிய அறிவிப்பு வெளியாகியுள்ளது. இந்த பணியிடங்களுக்கு விண்ணப்பிக்க பட்டப்படிப்பு முடித்தவர்கள் தகுதியுடையவர்கள். விண்ணப்பிப்பவர்கள் மாதம் ₹85,000 சம்பளம் பெற்றிட முடியும்.
பணியிட விவரம்:
யுகோ வங்கியில் மொத்த 250 லோக்கல் ஆபிசர் பணியிடங்கள் உள்ளன. அதில், குஜராத்: 57, மகாராஷ்டிரா: 70, அசாம்: 30, கர்நாடகா: 35, திரிபுரா: 13, சிக்கிம்: 6, நாகாலாந்து: 5, மேகாலயா: 4, கேரளா: 15, தெலுங்கானா மற்றும் ஆந்திரா: 10, ஜம்மு-காஷ்மீர்: 5 ஆகிய மாநிலங்களில் காலிப்பணியிடங்கள் நிரப்பப்படுகின்றன.
கல்வித் தகுதி:
இந்த பணிக்கு விண்ணப்பிப்பவர்களுக்கு இந்திய அரசால் அங்கீகரிக்கப்பட்ட கல்வி நிறுவனத்தில் ஏதேனும் ஒரு பாடப்பிரிவில் பட்டம் பெற்றிருந்தால் போதும். மேலும், உள்ளூர் மொழி தெரிந்திருக்க வேண்டும். (உதாரணமாக, கேரளாவுக்கான பணியிடத்திற்கு மலையாளம் தெரிந்திருத்தல் அவசியம்.)
வயது வரம்பு:
20 முதல் 30 வயதுக்குள் உள்ளவர்கள் விண்ணப்பிக்கலாம். அரசு விதிமுறைகளை பின்பற்றி வயதிலுள்ளவர்களுக்கு தளர்வுகள் அளிக்கப்படும்.
சம்பளம்:
தேர்வு செய்யப்பட்ட விண்ணப்பதாரர்களுக்கு மாதம் ₹48,480 முதல் ₹85,920 வரை சம்பளம் வழங்கப்படும்.
தேர்வு முறைகள்:
தேர்வு ஆன்லைன் டெஸ்ட், உள்ளூர் மொழித்தேர்வு மற்றும் நேர்முகத்தேர்வு அடிப்படையில் நடக்கும். தேர்வு தமிழ்நாட்டின் கோவை, சென்னை, திருச்சி, நெல்லை நகரங்களில் நடைபெறும்.
விண்ணப்ப கட்டணம்:
விண்ணப்பத்துக்கு ₹850 கட்டணம் செலுத்த வேண்டும். எஸ்.சி/எஸ்.டி பிரிவினருக்கு ₹175 தான் கட்டணம்.
விண்ணப்பிப்பதற்கான காலஅவகாசம்:
விண்ணப்பிக்க ஆரம்ப தேதி: 16.01.2025
விண்ணப்பிக்க கடைசி தேதி: 05.02.2025
இப்போது விண்ணப்பித்துக்கொண்டு, ₹85,000 சம்பளத்தில் உங்களுக்கான வேலை பெறுங்கள்!
